hello again and again and again ;p

Looks like

HAPPY BIRTHDAY TO ME

الخميس الي طاف كان عيد ميلادي

ما كان عندي خطط اسويها الكل كان مشغول و لاهي

 فطول اليوم قاعده بالبيت متملله

بس البنات صدموني طلعوا مسوين لي مفاجأة صج استانست

وهاذي بعض الصور

هاذي كيكه من باسكن روبن يايبتها لي رفيجتي

لذيييذه

وهاذي اختي سوتلي ياها

وهالصوره بس جذي رازه ويهها خخخ
هذا ديك رومي وقت يمعتنا ابيت يدي

HOME SWEET HOME

امس رديت من مشهد

تخيلت الوضع بيكون ويع هناك

بس زييين وناسه و الجووو عجيييب

بررررررد حده ثللج 

قبل السفر لازم جمعيه

اكل بالطياره

الثلج عجيييب

لوول سوالف هبال

مادري شسالفتهم مع الفيله تقريبا كل الاشياء هناك على فيله

و صورتهم اهداء حق شاي الضحى

بهالمحل سوالف كله خدع و دقات عجيب

خخخخ ضحكني !!

منو يبي فالوده ;p

بليل نقعد بالكافيه الي بالفندق نلعب منوبولي

و حيه وسلم

 لووول كنت اشرب نسكافيه و انكت عالصحن صار على هالشكل

و بس :)

تبييض الاســنان

بمـا ان ما بقى شي على عيد ميلادي حبيت اهدي روحي هديه

و بسويلي تبييض للاسنان , طبعا محد مدحلي الليزر

وكلش مو مفكره اسوي ليزر ,, حاطه ابالي اسوي قوالب تبيض

بس محتاره بأي عياده ابي عياده مضمونـه و نتايجها حلوووه  تطول

شراايكم ؟

اخيـرا

ما بغيت افتك من الامتحانااات و اعطل

الله يستـر من الدرجات شكلي مبدعه لول

 قـاعده بالكلية الحين ناطرة الدكتوره تعلق الدرجات و حدي دايخه -__-

بس المزاج الحين حده فوووق

;p

الله يـوفـق الجمـيع ان شاءالله

GUESS WHO'S BACK

بييه شخباااري حدي مغبره صح !!

بس الله يعلم لظروف الي مريت فيها هالفتره و الله كريم

بالبدايه ولد عم امي توفى و ما صار اسبوع الا خالي توفى

الله يرحمهم و يغفرلهم يا رب

و انشغلت بعد و لهيت بالدرااسه

صج ست مواد عذاب

ما يمر علي يوم الا و عندي كويز او عندي بحث او برزنتيشن

كل دكتور عباله ما عندنا شي الا مادته

حده ضغط بس الله كريم

باجر عندي امتحانين و لاعت جبدي مليت

:(

----

المــهم انتوووا شلوونكم شخبااركم ؟

لكم وحــشه :*

و مشكوووورييين للي سألو عني

و ان شاءلله بكون موجوده و ما اقطع

تحلطم

عدنا.. والعود أحمد ;p

هالاربع ايـاام الي مرت علي واااااايد تعب :/
صارلي اسبوع وشي ما اشتهي اكل شي واذا اكلت حدي روب او تفاح
بعد ما بلشت دوام بالجامعه انهلكت زياده
ماخذه 6 مواد هالكورس اطلع من البيت 9 ما ارد الا 4 ونص او 5
على طول انسدح مالي خلق شي وهم ما احط شي بحلجي
من ثلاث ايام حسيت ان على اقل حركة حتى لو امشي مسافة بسيطه قلبي يطق حيل وما اقدر اتنفس(  فيني انيميا عشان نقص الحديد مشكلة ازليه فيني  )لا تشوفوني لمن تكون محاضرتي الدور الثالث لوول بكل طابق اوقف اريح شوي واكمل

امس رحت مكتبة الطالب حدث ولا حرج ززززحمه وخنقه
شريت تقريبا 9 كتب , في دكتوره طالبه منا 5 كتب @@
  و باقيلي كتاب واحد حق الماده القثيثه ادب بريطاني ما حصلته قالولي خالص
:(((((((((((((((((((
مالي خلق ارجع مره ثانيه :/ لان امس بغيت اطيح شايله بيدي هالكتب و في كتب فوق الفين صفحة وافتر جد تعبت
ادعـولي اصير احسن :(

هاذي موادي

 

HaPpY BiRTHDaY MoM

حدي متأزمه نفسيا و جسديا
من امس طايحه مريضه و ماكو مرض مو فيني
من سخونه و عوار بطن و وبلاعيمي ملتهبه
وظهري مو قادره احركه و لازم اكون منسدحه عشان لا اتعور اكثر
وقاعده بفراشي ارجف جني كتكوت كاتين عليه ماي هيهيهيهي
مأسااااة :(
--------------------
تـاريخ 17/9 يصادف ميلاد اغلى انسانـه ابحـيااتي

كــل عــام و انـتي بخـير ماما ;p

كان بخاطرها من زمااان ابخلاط  واشكره قالت لنا تحاططوا حق عيد ميلادي و يبولي هالخلاط
( تمووت على هالسوالف )
تحاططنا انا وخواتي ورحنا خذينا لها الخلاط و صدفة نفس اليوم انكسر الخلاط الي عندها

هذا الخلاط كرتووونه شكبره غصب شلناه 

سعره 400 وشي  من يوريكا


و هذا مسخن البوفيه هم كان عاجب امي اختي خذته لها
سعره بالاربعينات

اهني غلفنا الهدايا تغليف خربوطه لول كنا مستعيلين
وحطيناهم لها بالمطبخ اول ما دشت و شافتهم حيل استانست

وبس

[ بـاجر انا مسافره اشـووفكـمـ علـى خيـر ]

..

ســلام عليـكم ..
شلـووونكم شخبااركم ؟
ادري اني قطعت وايد وما قمت اكتب
بس لان في ناس مادري منو
دازيلي ايميل يطالبون اني اصكر مدونتي
بحجة ان اسلوبي يقث و مليق و ان مافي اسلوب  ووايد كلام ..
بصراحة هالشي وايد ضايقني و حز بخاطري وعاد انا حساسه وايد
فكرهت البلوق و قمت من افتحه اتييني القمته  و وخـرت عن كل شي احسن


حبــيت بس اقووولكم عـــــيدكــــــــــــم مبــــااارك و فاقدتكم وايد