السبت، 22 يناير، 2011

GUESS WHO'S BACK

بييه شخباااري حدي مغبره صح !!
بس الله يعلم لظروف الي مريت فيها هالفتره و الله كريم
بالبدايه ولد عم امي توفى و ما صار اسبوع الا خالي توفى
الله يرحمهم و يغفرلهم يا رب
و انشغلت بعد و لهيت بالدرااسه
صج ست مواد عذاب
ما يمر علي يوم الا و عندي كويز او عندي بحث او برزنتيشن
كل دكتور عباله ما عندنا شي الا مادته
حده ضغط بس الله كريم
باجر عندي امتحانين و لاعت جبدي مليت
:(
----
المــهم انتوووا شلوونكم شخبااركم ؟
لكم وحــشه :*
و مشكوووورييين للي سألو عني
و ان شاءلله بكون موجوده و ما اقطع

هناك 7 تعليقات:

Unique Girl يقول...

حياااااااااااااتي

اشتقتلج واااايد

وانا اقول شالي ناقص بالبلوق

الله يعينج ويوفقج ويفرحج بدنيتج

Katkoota xD يقول...

عاد امس قاعده اقول وينها فاقدينها من زماان مو مبينه


عظم الله اجركم انشالله نهاية الاحزان

و موفقه انشاءالله بامتحاناتج

تشوفين نتيجة تعبج انشاءالله

رورو الشخبوطه يقول...

الله يرحمهم يارب ..

وعظم الله اجرج..

وووووووووووووولكم باااااااااااك

شاي الضحى يقول...

عظم الله اجرج

وولكم باك

hadeelq8 يقول...

يوم شفتج منزلة بوست جان اقول شخباااااااري ولا اقرا كاتبة شخباري لوول :p

حدنا فقدناج

ولكم بااك منوورتنا

الله يرحمهم ياارب ويغفرلهم

شدي حيلج كلهم امتحانين :)

مووفقة

Al Pacino يقول...

ولكم باك ..

من المؤسف أن نسمع مثل هذه الأخبار ..

عظّم الله أجرك يا أختي العزيزه و أسكنهم فسيح جنّاته بإذن الواحد الأحد ..

إحنا بخير ولكن نفتقد كلماتك و مدوّناتك الجميله يا الجميله KoKo

تقبّلي ودي و تقديري و أشد إحترامي لك ..

دمتي لي بألف خير ..

koko يقول...

Unique Girl : تشتااااقلج العاااافيه :*** مس يو 2

----

Katkoota xD : تسلمـين حبيبتي ,, عمري طويل مو لووول p;

----

رورو الشخبوطه:آمييين مشكووره عالرد

----

شاي الضحى : اجرنا و اجرج ان شاءالله

----

hadeelq8 : لوووول القلوب عند بعضها p; تسلميييييييين

----

Al Pacino : اهليـن يا هلا
اجرنا و اجرك و تسلـم عالــرد