الأربعاء، ٢٩ سبتمبر ٢٠١٠

تحلطم

عدنا.. والعود أحمد ;p

هالاربع ايـاام الي مرت علي واااااايد تعب :/
صارلي اسبوع وشي ما اشتهي اكل شي واذا اكلت حدي روب او تفاح
بعد ما بلشت دوام بالجامعه انهلكت زياده
ماخذه 6 مواد هالكورس اطلع من البيت 9 ما ارد الا 4 ونص او 5
على طول انسدح مالي خلق شي وهم ما احط شي بحلجي
من ثلاث ايام حسيت ان على اقل حركة حتى لو امشي مسافة بسيطه قلبي يطق حيل وما اقدر اتنفس
(  فيني انيميا عشان نقص الحديد مشكلة ازليه فيني  )
لا تشوفوني لمن تكون محاضرتي الدور الثالث لوول بكل طابق اوقف اريح شوي واكمل

امس رحت مكتبة الطالب حدث ولا حرج ززززحمه وخنقه
شريت تقريبا 9 كتب , في دكتوره طالبه منا 5 كتب @@
  و باقيلي كتاب واحد حق الماده القثيثه ادب بريطاني ما حصلته قالولي خالص
:(((((((((((((((((((
مالي خلق ارجع مره ثانيه :/ لان امس بغيت اطيح شايله بيدي هالكتب و في كتب فوق الفين صفحة وافتر جد تعبت
ادعـولي اصير احسن :(

هاذي موادي
 

الخميس، ١٦ سبتمبر ٢٠١٠

HaPpY BiRTHDaY MoM

حدي متأزمه نفسيا و جسديا
من امس طايحه مريضه و ماكو مرض مو فيني
من سخونه و عوار بطن و وبلاعيمي ملتهبه
وظهري مو قادره احركه و لازم اكون منسدحه عشان لا اتعور اكثر
وقاعده بفراشي ارجف جني كتكوت كاتين عليه ماي هيهيهيهي
مأسااااة :(

--------------------
تـاريخ 17/9 يصادف ميلاد اغلى انسانـه ابحـيااتي
كــل عــام و انـتي بخـير ماما ;p

كان بخاطرها من زمااان ابخلاط  واشكره قالت لنا تحاططوا حق عيد ميلادي و يبولي هالخلاط
( تمووت على هالسوالف )
تحاططنا انا وخواتي ورحنا خذينا لها الخلاط و صدفة نفس اليوم انكسر الخلاط الي عندها

هذا الخلاط كرتووونه شكبره غصب شلناه 


سعره 400 وشي  من يوريكا


و هذا مسخن البوفيه هم كان عاجب امي اختي خذته لها
سعره بالاربعينات


اهني غلفنا الهدايا تغليف خربوطه لول كنا مستعيلين
وحطيناهم لها بالمطبخ اول ما دشت و شافتهم حيل استانست


وبس

[ بـاجر انا مسافره اشـووفكـمـ علـى خيـر ]

الخميس، ٩ سبتمبر ٢٠١٠

..

ســلام عليـكم ..
شلـووونكم شخبااركم ؟
ادري اني قطعت وايد وما قمت اكتب
بس لان في ناس مادري منو
دازيلي ايميل يطالبون اني اصكر مدونتي
بحجة ان اسلوبي يقث و مليق و ان مافي اسلوب  ووايد كلام ..
بصراحة هالشي وايد ضايقني و حز بخاطري وعاد انا حساسه وايد
فكرهت البلوق و قمت من افتحه اتييني القمته  و وخـرت عن كل شي احسن


حبــيت بس اقووولكم عـــــيدكــــــــــــم مبــــااارك
 و فاقدتكم وايد

الأربعاء، ١٨ أغسطس ٢٠١٠

fantasy world

.. Hi ALL 
شلـووونكم ؟


قبل فتره مـادري شنو طرى على اخوي قالي وديني فانتسي ورلد
وتحسف لمن رحنا ما عجبه شي مناك
كله سوالف يهال واهو شكبره 
كان يبي شغلات علميه بس ما حصل الي يبيه
المهم صورت لكم جم شغله



باز يطير ;p


العاب سحريه


عجبتني هالبيضه تحطونها بالماي و بعدين تتفقص
وتطلع داخلها عبارة حب


العاب من طقة اونو و مونوبولي


ليقو شخبااري من ايام الطفوله




كل واحد يخمط حرفه ;p
حسافه ما لقيت حرفي , بس جني
شافه نفسهم بكليرز


دب حلو حق اليهال يلونونه بدال التشخبط عالطوفه ;p


حق البنات الي يحبون الحياكه


يشوقون هالملابس
لو قدي جان خذيتلي


فله يا فله ;p


مكبر يغير الصوت
فيه  6 اصوات 
ينفع حق الدقات hehehehe ;p


قلم سحري


هم هالفار ينفع حق الدقات وتخريع اليهال

وبس :)




الاثنين، ١٦ أغسطس ٢٠١٠

شنو الحل ؟؟



وايد متأزمه من الصداع الي كل يوم قاعد يحوشني
تقريبا  هالحاله من شهر وشي 
جان زين يمر يوم وراسي ما يصدع

:(

الجمعة، ١٣ أغسطس ٢٠١٠

bad mood

اول ما بطلت عيني على طول دشيت سايت الجامعه بشووف درجاتي
  والحمدلله تعبي ما راح عالفاضي

-----------------

مـاادري شفيني هالايااام مزاجي ونفسيتي كلش مو شي
حاسه شي فيني بينفجر
ماعندي احد افضفضله و ما احب اصلا افضفض لاحد
امس حسيت اني وصلت حدي و بجيت شوي بس هم ما ارتحت
مااادري شسوي تعبت وايد
فوق كل هذا بعد مريضه
:(

الأربعاء، ١١ أغسطس ٢٠١٠

رمضان كريم


كـل عام وانتوا بخير ,, ومبارك عليكم الشهر
ولو ادري انها متأخره :)


وتهنئه خاصه حق اصدقائي البلوقيين المفضلين عندي
ومشكوورين على متابعتكم لي
وسامحوني اذا نسيت احد



يا رب تتقبل منا ومنكم  الاعمال الصالحه ويغفر لنا اجمعين
 
شلوون اول يوم وياكم ؟

الثلاثاء، ١٠ أغسطس ٢٠١٠

ورق عنب

السبت الي طاف امي كانت مسويه عزيمه
فقالت لي اسوي ورق عنب
وبما اني احب الحوامض , الورق عنب اترسه ليموون ;p
وابتلشت الكل يدوخني يقول سويلنا
:(


اهني قاعد يطبخ


وبعد ما طلعته
( يععععت حدي من الصوره )

وسويت بعد اكله لا تسألوني شسمها
بس كانت عباره عن عجينه سمبوسه و الحشوه فيها جم نوع من الجبن و حطيت معاه جزر


 


وتنحط بالفرن وفوقها صلصه

( ماعرف حق سوالف الطبخ على فكره , بس اعرف اسوي ورق عنب و انواع معكرونيه )


---------

ابوي كل شهر يعطيني فلوس اروح فيها الجمعيه
اشتري (مؤونه) حقي وحق خواتي وكله خرابيط  كاكاو و بطاط وحلاو



الي يبي لا يستحي يمد ايده ;p

الاثنين، ٩ أغسطس ٢٠١٠

finally

اخيرا اليوم خلصت اخر امتحان فاينل
 و افتكيييت من شي اسمه صيفي

الله يستر من الدرجات ;x

السبت، ٣١ يوليو ٢٠١٠

مباركين عرس الاثنين

ملجــة اختي كانت يوم الخمــيس الـف الـف مبروك لها والله يهنيها ان شاءالله
----
من امس وانا ماخذه فتره نقاهه و راحه بفراشي لان صج صج كان تعععععب 
 و تعويضا عالتعب بقت منها باقة ورد كبيره
( كيفي استاهل )

طوفوا الجرايد ;p

-----------



هالبنوووووته عواااار قلب
اتييييييييييينن البطه ماشالله عليها
ابي بنيه جذي :(

الجمعة، ٣٠ يوليو ٢٠١٠

iphone trick

حق الي طلبوا مني السايت هذا اهو

http://www.itricks.com/iphone/cracked.html

وهذا الفيديو الي شفته

الأربعاء، ٢٨ يوليو ٢٠١٠

عقدتي من الدببه + دقه ثانيه

امس وانا احوس باليوتيوب شفت خوش خدعه
حق الايفون والايبود ,, عباره عن سايت تدشونه يخلي شاشه الايفون جنها مكسوره
فـ طرى على بالي اسوي هالدقه بأبوي ( ما خليت احد ) لوول
رحتله وقلتله ابي تيلفونك شوي مسكته ودشيت السايت وبعدين سويت روحي اني طيحته 
ووريته الشاشه مكسوووره
لا تشوفون ويهه شلون قلب و كان توه ماخذه و مستانس فيه كسر خاطري
 hehehehehe

اهني مجربته على ايبودي


--------------------





هالموقف كنت بقوله حق قلـم و مسـاحة بس بعدين قلت اخرعكم كلكم ;p



الله يسلمكم كنت اموووووت على شي اسمه دببه بس قبل سنتين صار وياي موقف   ما  راح انساه عقدني منهم

كنت قاعده بفراشي وشابكه وصوب ريولي دببتي لمن ييت بنام قمت حذفتهم كلهم بريولي عالارض

وكنت توني بنام 
 ولا ليت ابجورتي يطفي وانا حدي اخاف من الظلمه رحت فتحت ليتات داري
لي هني الوضع طبيعي ,,

بس لما رديت بنام و كنت لافه ويهي صوب الطوفه فجأة حسيت حركه وراي لفيت ويهي ولا الاقي

واحد من الدببه عند مخدتي !!

تعالوا دوروا كوكو ما تلاقونها ;p
مااااااااااادري شاللي يابه صوب مخدتي وانا متأكده اني حذفته معاهم

الأحد، ٢٥ يوليو ٢٠١٠

اكشنات كوكو ;D

انا و اعوذ بالله من كلمة انا انسانه واايد احب الوناسه والحركات الغريبه
وعلي تصرفات مو طبيعيه دايما يسموني ام الاكشنات لول احب هالسوالف
اليوم تذكرت موقفين بكتبه لكم ,,
اول موقف: كانت دقه باللي يوصل الاكل لـ مطعم برجر كنج
كان عندي قناع شكله يلوع الجبد ,, و احنا ناطرين الطلب يوصل انا قاعده و
اتأمل بالقناع ( خخخ ماكو شغل ) ولا يتلي فكره ان البس القناع و عبايه و افتح الباب حق الريال

اول ما طق الباب فتحتله جان الريال يصرخ ايييييييييه داااااااا و يرجع قري  زين ما طاح وبغى يقط الاكل و يمشي لو ما ضحكت انا و صكرت الباب

وهذي انا لابسه القناع و قاعده بالزاويه



ثاني موقف : سويته بوحده من البنات
سيارتي فيها ميزه ان اقدر اخليها تصفط بروحها بس احطها عالـ R
واهيا تمشي بروحها و تحرك السكان ومن هالحركات ,, و البنت الي معاي طبعا ما تدري عن هالشي
انا وخرت ايدي عن السكان واقولها لحقييي مادري شصاير السكان برووحه يتحرك والسياره مو راضيه توقف
اهيا بس تصررررخ و بغت تطلع من السياره بس اشوه قافله البيبان ;p



مجرمه ها ;D
في وايد مواقف مسويتها و باليهال خاصة لول بس ماني قادره اذكرها
من التتتتتتتعب
نشوووووفكم على خيـــر

PS : يمكن هالفتره اقطع عن المدونه

الخميس، ٢٢ يوليو ٢٠١٠

دعايه عجييييييييييبه

http://www.youtube.com/watch_popup?v=h-8PBx7isoM

من افضل الدعايات الي شفتها
عجبتني وايد فكرتها
:)

الثلاثاء، ٢٠ يوليو ٢٠١٠

بعض تصاميمي

من هواياتي المفضله التصميم بالفوتوشوب
 شغلي بسيييط وايد و يبيلي  اتعلم اكثر
اشتركت السنه الي طافت بدورة بس حسافه كانت للمبتدئين والي علمونا ياه اعرفه
ودي اشترك بدورة ثانيه و بمستوى اعلى

بحط لكم بعض تصاميمي و ابي رايكم :)





( تشبهني ام خدود ;p )













اكتفي بهذول ,, ان شاء الله تعجبكم
;p

السبت، ١٧ يوليو ٢٠١٠

ادعولي

اليوم تسجيلي حق الكورس الاول ..
كنت مخططه اسجل 6 مواد بس اختي صدمتني تقول ما يصير تسجلين اكثر من 4 !!
ليييييييش بروحي متأخره انا, باقيلي 24 ماده واتخرج لي متى عاد مليت والله
 :(والله هالجامعه مشكله يذلون الواحد عدل و الواحد يتخرج منها بعد ما يطلعون روحه
والارشاد الله بالخير مو عارفين شغلهم ويخربون مستقبل الواحد مثل ما خلوني اتأخر جذي وخربوا علي
الله يعين و يسهل يا رب :)

الجمعة، ١٦ يوليو ٢٠١٠

مثلث برمودا !!

وصلي بالايميل اليوم

----


شآهد مثلث برمودا اللي تحلم ان تشاهده

سوي زووم على الخريطة
وقرب المثلث شوف ايش بداخله

http://www.australiancoastalwatch.com.au/index.php/news/bnshark14432tx.article.html

.من جد شي خطير

الخميس، ١٥ يوليو ٢٠١٠

بدون عنوان

من زمان ما كتبت حدي  لهيت مع لوية الصيفي
 وجنه هالاسبوع مر بسرعه

المهم يوم السبت الي طاف رحت


الي عاليسار وايد احبه اسمه ستروبري سلش
 مارغريتا ستروبري
ولمن وصل الاكل نسيت اصور ما تذكرت الا بعد ما خلصت لوول من اليوع :$
طلبي كان عباره عن جيكن فنقرز

بعدها رحت فيرجن و شفتهم يبيعون تقليد كاس العالم
اب 49 دينار



وحصلت هالشمعه الكبيره بمحل كريزي بوكس على حرفي حدها زوغه عجبتني


--------------------
اخيرا امي وابوي ردوا من تركيا
الحمدالله على سلامتهم
صوغتي كانت كلها ملابس
 زين سوت امي عارفتلي عدل ;p
و شروا حق اخوي هالآله المزعجه مسويتلي ازمه بالبيت :@
على يوم بكسرها

واخر شي هذا اهداء حق شاي الضحى  ;p