السبت، 31 يوليو، 2010

مباركين عرس الاثنين

ملجــة اختي كانت يوم الخمــيس الـف الـف مبروك لها والله يهنيها ان شاءالله
----
من امس وانا ماخذه فتره نقاهه و راحه بفراشي لان صج صج كان تعععععب 
 و تعويضا عالتعب بقت منها باقة ورد كبيره
( كيفي استاهل )

طوفوا الجرايد ;p

-----------



هالبنوووووته عواااار قلب
اتييييييييييينن البطه ماشالله عليها
ابي بنيه جذي :(

الجمعة، 30 يوليو، 2010

iphone trick

حق الي طلبوا مني السايت هذا اهو

http://www.itricks.com/iphone/cracked.html

وهذا الفيديو الي شفته

الأربعاء، 28 يوليو، 2010

عقدتي من الدببه + دقه ثانيه

امس وانا احوس باليوتيوب شفت خوش خدعه
حق الايفون والايبود ,, عباره عن سايت تدشونه يخلي شاشه الايفون جنها مكسوره
فـ طرى على بالي اسوي هالدقه بأبوي ( ما خليت احد ) لوول
رحتله وقلتله ابي تيلفونك شوي مسكته ودشيت السايت وبعدين سويت روحي اني طيحته 
ووريته الشاشه مكسوووره
لا تشوفون ويهه شلون قلب و كان توه ماخذه و مستانس فيه كسر خاطري
 hehehehehe

اهني مجربته على ايبودي


--------------------





هالموقف كنت بقوله حق قلـم و مسـاحة بس بعدين قلت اخرعكم كلكم ;p



الله يسلمكم كنت اموووووت على شي اسمه دببه بس قبل سنتين صار وياي موقف   ما  راح انساه عقدني منهم

كنت قاعده بفراشي وشابكه وصوب ريولي دببتي لمن ييت بنام قمت حذفتهم كلهم بريولي عالارض

وكنت توني بنام 
 ولا ليت ابجورتي يطفي وانا حدي اخاف من الظلمه رحت فتحت ليتات داري
لي هني الوضع طبيعي ,,

بس لما رديت بنام و كنت لافه ويهي صوب الطوفه فجأة حسيت حركه وراي لفيت ويهي ولا الاقي

واحد من الدببه عند مخدتي !!

تعالوا دوروا كوكو ما تلاقونها ;p
مااااااااااادري شاللي يابه صوب مخدتي وانا متأكده اني حذفته معاهم

الأحد، 25 يوليو، 2010

اكشنات كوكو ;D

انا و اعوذ بالله من كلمة انا انسانه واايد احب الوناسه والحركات الغريبه
وعلي تصرفات مو طبيعيه دايما يسموني ام الاكشنات لول احب هالسوالف
اليوم تذكرت موقفين بكتبه لكم ,,
اول موقف: كانت دقه باللي يوصل الاكل لـ مطعم برجر كنج
كان عندي قناع شكله يلوع الجبد ,, و احنا ناطرين الطلب يوصل انا قاعده و
اتأمل بالقناع ( خخخ ماكو شغل ) ولا يتلي فكره ان البس القناع و عبايه و افتح الباب حق الريال

اول ما طق الباب فتحتله جان الريال يصرخ ايييييييييه داااااااا و يرجع قري  زين ما طاح وبغى يقط الاكل و يمشي لو ما ضحكت انا و صكرت الباب

وهذي انا لابسه القناع و قاعده بالزاويه



ثاني موقف : سويته بوحده من البنات
سيارتي فيها ميزه ان اقدر اخليها تصفط بروحها بس احطها عالـ R
واهيا تمشي بروحها و تحرك السكان ومن هالحركات ,, و البنت الي معاي طبعا ما تدري عن هالشي
انا وخرت ايدي عن السكان واقولها لحقييي مادري شصاير السكان برووحه يتحرك والسياره مو راضيه توقف
اهيا بس تصررررخ و بغت تطلع من السياره بس اشوه قافله البيبان ;p



مجرمه ها ;D
في وايد مواقف مسويتها و باليهال خاصة لول بس ماني قادره اذكرها
من التتتتتتتعب
نشوووووفكم على خيـــر

PS : يمكن هالفتره اقطع عن المدونه

الخميس، 22 يوليو، 2010

دعايه عجييييييييييبه

http://www.youtube.com/watch_popup?v=h-8PBx7isoM

من افضل الدعايات الي شفتها
عجبتني وايد فكرتها
:)

الثلاثاء، 20 يوليو، 2010

بعض تصاميمي

من هواياتي المفضله التصميم بالفوتوشوب
 شغلي بسيييط وايد و يبيلي  اتعلم اكثر
اشتركت السنه الي طافت بدورة بس حسافه كانت للمبتدئين والي علمونا ياه اعرفه
ودي اشترك بدورة ثانيه و بمستوى اعلى

بحط لكم بعض تصاميمي و ابي رايكم :)





( تشبهني ام خدود ;p )













اكتفي بهذول ,, ان شاء الله تعجبكم
;p

السبت، 17 يوليو، 2010

ادعولي

اليوم تسجيلي حق الكورس الاول ..
كنت مخططه اسجل 6 مواد بس اختي صدمتني تقول ما يصير تسجلين اكثر من 4 !!
ليييييييش بروحي متأخره انا, باقيلي 24 ماده واتخرج لي متى عاد مليت والله
 :(والله هالجامعه مشكله يذلون الواحد عدل و الواحد يتخرج منها بعد ما يطلعون روحه
والارشاد الله بالخير مو عارفين شغلهم ويخربون مستقبل الواحد مثل ما خلوني اتأخر جذي وخربوا علي
الله يعين و يسهل يا رب :)

الجمعة، 16 يوليو، 2010

مثلث برمودا !!

وصلي بالايميل اليوم

----


شآهد مثلث برمودا اللي تحلم ان تشاهده

سوي زووم على الخريطة
وقرب المثلث شوف ايش بداخله

http://www.australiancoastalwatch.com.au/index.php/news/bnshark14432tx.article.html

.من جد شي خطير

الخميس، 15 يوليو، 2010

بدون عنوان

من زمان ما كتبت حدي  لهيت مع لوية الصيفي
 وجنه هالاسبوع مر بسرعه

المهم يوم السبت الي طاف رحت


الي عاليسار وايد احبه اسمه ستروبري سلش
 مارغريتا ستروبري
ولمن وصل الاكل نسيت اصور ما تذكرت الا بعد ما خلصت لوول من اليوع :$
طلبي كان عباره عن جيكن فنقرز

بعدها رحت فيرجن و شفتهم يبيعون تقليد كاس العالم
اب 49 دينار



وحصلت هالشمعه الكبيره بمحل كريزي بوكس على حرفي حدها زوغه عجبتني


--------------------
اخيرا امي وابوي ردوا من تركيا
الحمدالله على سلامتهم
صوغتي كانت كلها ملابس
 زين سوت امي عارفتلي عدل ;p
و شروا حق اخوي هالآله المزعجه مسويتلي ازمه بالبيت :@
على يوم بكسرها

واخر شي هذا اهداء حق شاي الضحى  ;p

الخميس، 8 يوليو، 2010

abi cake ;(

مادري شنو طاري علي ابي كيك كاكاو
معني كلش مو صوبه و احب بس الفانيلا
من وين القى جذي ؟ :(

الأحد، 4 يوليو، 2010

عبارات عجبتني

‏​‏​‏​‏​الخيانة ذاتها أحياناً لا تؤلم !! المؤلم ان يخونك شخص أفصحت له يوماً ان الخيانة فقط مايكسر ظهرك !!و وعدك ان يكون الأوفى بحياتك !!

اخييه على هالعبارة بالضبط عشتها :(
اكره شي عندي الخياانه و الجذب دم ضروسي
ممكن اتقبل من الشخص اي شي ما عدا هالشيين , على طول يطيح من عيني
ومستحيل تنرد الثقه و العلاقة مثل قبل
وهالشي صار مع وحده كانت اقرب الناس لي بس غدرت فيني
و ماني قادره اتقبلها الحين
على قولة عبدالمجيد عبدالله
" الي انكسر ما ينجبر "
--------------------------------------------

صعب جدًا .. ان تعطي إنسان كل حبك وتفكيرك وحياتك
وهو لا يستطيع حتى أن يعطيك بعضًا من وقته ليسأل عنك وعن أخبارك

--------------------------------------
لا تلاعب (عزتي) لعبة مذلة ~وانسحب منها قبل لا تبتديها ~ نفسي اللي شفت فيها الطيب (كله) ~ ما ابيك تشوف (بعض) الشر فيها ~ اعقل وخل الدلع واللعب خله ~ لا تضحي (بعشرتي) دامك تبيها ~ الدلع لا زاد عن حده (أمله) ~ وعشرة فيها ملل (ما اشتريها) ~ لا تطالبني بعذر من دون زلة ~ وتستغل اني عيونك (مهتويها) ~ ان بغيت الحب (هاك الحب) كله ~ المشاعر ملكك وتامر عليها ~ وان بغيت تذلني (دربك تدله) ~

فضفضه وتحلطم

حده الوضع كئيييييب بالبيت
امي وابوي صارلهم يومين مسافرين و مطولين وايد على ما يردون
البيت هدوووء الكل يا نايم او بداره شابك ,, ماكو غدا حدي يوعانه :(
و الي نرفزني زياده اني رديت من جامعه ساعه وحده و نمت ما قعدت الا قبل شوي و النومه اختربت وراسي صدع
ودييي اسحب الصيفي بس حدي متأخره وابي اتخرج بسرعه :/
:(

السبت، 3 يوليو، 2010

طـفـل

انت ما تفهم معاني كل شي انت تفكيرك ترى دايم خطـأ


انت طفل فتح عيونه علي ما درى ان الحياة اخذ وعطى


حاول تفكر قبل تجني علي


ما بقى فيني صبر مات الغلا والعتب ما فاد يا عمري معـاك


من تجيني تلمح بعيني هلا ومن اجيلك المح جروحي وراك

اخيييه :( الكلمات وايد تعبر

الجمعة، 2 يوليو، 2010

طلقانه

لوووول لا يطوفكم !!

الخميس، 1 يوليو، 2010

CAT ATTACK DOG !!!

لووووووووول شوفوا الشطانه على اصولها

قريـبا في الاسواق



LoooooL NO COMMENT ;P

هل تستخدم مخك الأيمن أم الأيسر؟؟

هل تستخدم مخك الأيمن أم الأيسر؟؟

التمرين الاول
:





إذا اقمت بذكر اللون فأنت تستخدم مخك الأيمن

إذا قمت بقراءة اسم اللون المكتوب فأنت تستخدم مخك الأيسر

التمرين الثاني:

هل ترى النسور المخفية وليس الظاهرة




الاهتمام بالتفاصيل تعني بأنك من الذين يستخدمون مخهم الأيسر

التمرين الثالث

ماذا ترى في الشكل التالي؟

هل رأيت الكأس؟ هل رأيت الوجوه المتقابلة؟




التمرين الرابع :
هل ترى الأسد والطير الصغير في الصورة؟


و هذه صفات كل منهما:

مستخدمي الجهة اليسرى:

يستخدم المنطق
يركز على التفاصيل
يعتمد على الحقائق ويركز على الكلمات واللغة
يرى الماضي والحاضر
يحب الرياضيات والعلوم
يمكن فهمه
يهتم بالعلم
يهتم بالمعرفة
يعرف اسم الشئ
يستند على الواقع
يرسم الاستراتيجيات
عملي. آمن

مستخدمي الجهة اليمنى:
يستخدم الشعور
يرى الصورة الكبيرة ولا يركز على التفاصيل
يعتمد على قواعد الخيال
يرى الرموز والصور
يرى الحاضر والمستقبل
يحب الفلسفة والدين
"يمكن أن تحصل عليه" أي يهتم بالمعاني
يصدّق
يقدّريعرف وظيفة الشئ
يستند على الأحلام و الأوهامويعرض الامكانيات
متهورمخاطر
انا من مستخدمي جهة اليمين و انتو :)