الاثنين، ٢٦ سبتمبر ٢٠١١

تجـربتي للمـيتالك

البوست الي طاف تكلمت عن رول الميتالك
و الحين بحط لكم الالوان الي جربتها و انطباعي عنهم

  ما حبيته وايد حسيته شوي اوفر بس هم حلو


 :) الذهبي وايد عجبني اهو و الاخضر

جربت الابيض على ورد وردي فاتح هم حلووووووو بس ما صورته
لقيت هالصوره له من قوقل




طبعا اظافري يبيلها قص و ترتيب واايد هاملتهم صايره مالي خلقهم



هالفيديو يوضح شلون طريقة استعماله وااااايد سهل

الخميس، ٢٢ سبتمبر ٢٠١١

مـيتاليك للأظافر



كنـت اسولف مع رفيجتي عن الهبه اليديده للأظافر



و الصبغ الـكراك جان تقولي عن وحده من اهلها تبيع


نفس ستيكرز الميتاليك بس صاير على شكل رول يكفي حق استخدام اكثر من7 مرات و طلبت منها امس استلمتهم


عجيييب و سهله طريقته
اول شي تحطون الصمغ و ننطره خمس دقايق على ما ينشف بعدين نقص الرول مربعات صغيره على حجم الاظافر و نحطه على الظفر و نضغط عليه خل يلزق و بس
في فيديو طريقة شلون نحطه بدوره و اعطيه للي تبيه



اهيا تبيع 5 حبات مع صمغ اب 6 ونص


هذا الي انا طلبتهم



 





هذا على ايدي ما ضبطته لان بسرعه بسرعه حطيته و ما نطرت الصمغ ينشف عدل
و هالصور اهيا طرشتلي ياهم

تقدرون تتواصلون وياها بالواتساب
55651002

الأحد، ٤ سبتمبر ٢٠١١

لـمحبين القراءة

قبل فتره امي مسويه بالبيت جرد و تنظيف شامل و حكمت على روايات اختي بالاعدام خخخخ
قالتلها بقطهم دام صارلهم فتره ما تقرينهم
بس استخسرت تقطهم قالت اوزعهم حق الي يبي يستفيدون منهم ..
الي تبيهم تقوولي ;D

- زوجة احمد ل احسان عبدالقدوس

-ظلمتني يا قلبي ل بيار روفايل

-مذكرات خادم ل طيبه الابراهيم

- مذكرات شابه غاضبة ل انيس منصور

- وجع البنات ل عبداللطيف نصار

- الزلة الكبرى ل سومرت موم

- تيار الحب ل جيرار فيلاري

- حالة الدكور حسن ل احسان عبدالقدوس

- سلاسل و قيود ل رامي ساراز

- خائفة ولا انام ل نجلاء محفوظ

- الضحية ل اجاثا كريستي

- صاحبة العصمه ل جمال قنديل

- المنبوذ ل عبدالله الزايد

- سفاح المعسكر "صرخة الرعب"

- عرائس محطمة "صرخة الرعب"

- عودة القناع " صرخة الرعب"

- لن اكون لك " روايات احلام"

-العسل المر " احلام"

-مطاردة السعادة " احلام"

- اسطورة دماء داراكيولا " ما وراء الطبيعه"

- فتش عن المرأة " مغامرات ارسين لوبين"

- ظلام القلب

-الا فاطمة ل انيس منصور

- فديتك يا ليل ل يوسف السباعي

- شيء في صدري ل احسان عبدالقدوس

- اسطورة ايجور

- العربة الشيطانية

- المرأة في المسرح الكويتي

-بائع الحب ل احسان عبدالقدوس

- لن يعود ل بيار روفايل

- الجنية ل غازي القصيبي

- اللعبه الرهيبة " صرخة الرعب"

- معسكر الفزع " صرخة الرعب"

- ملاك في خطر

- ميكي و بطوط

- مسافر بلا طريق

- نساء خلف الشمس

- القبلة ل دانيال ستيل

- في الدار فوق التل ل سومرت موم

- غصن الزيتون ل محمد عبدالله

- الهوان

- لا ليس جسدك احسان قدوس

- لماذا تبعدني عنك

- كذبة العاشق

- 6 نساء و 6 رجال

- عيناك لا تكذبان

- كانت صعبة ومغرورة

- كيمياء الفضيحة ل انيس منصور

- ذكريات سمين سابق ل تركي الدخيل

- هموم ضاحكة ل يوسف عوق

- حيقنوني ل يوسف العوق

- هجوم الارواح " صرخة الرعب"

- الماس لو بكى

- في عينيك لقاء

- الذين عادوا للسماء ل انيس منصور

- تناسخ الارواح ل ادجار دوكترو

- اوراق من شوك

- حب خاف الضباب ل حمد الشهابي

-كاذبة و لكن

- تلزواج الابيض

- المسافرة الى الحرية

- العصابة الخفيه

- لغز الرسالة الطائرة

- بيت العانس ل سمير توفيق

- عيون الحب

- الاجنجة المنكسرة ل جبران خليل جبران

- جراح تحت الشمس ل طارق البكري

- جراح ساخنة ل طارق البكري

- جراح على الطريق ل طارق البكري

- المنزل الملعون " صرخة الرعب"

- دموع لا تجف ل بيار روفايل

- الخطية

- بئر الحرمان ل احسان قدوس

- رحلة الى عالم اخر

الثلاثاء، ٣٠ أغسطس ٢٠١١

محل " اوديسيه " للتجنيد الحرامية

تعاسة الحظ و خيبتنا جرونا الى محل اوديسية لتنجيد غنفة واحده , وانا اليوم من القهر قررت افضحهم وافضح سوء تعاملهم وجذبهم معانا , على بالهم ان احنا اراقوزات يضحكون علينا نسوا ان السمعة مهمة لاي محل بالديرة تم استغفالنا 3 اشهر واهم يقولون لنا باجر الساعه 8 توصل لكم البيت ويجي باجر ومانشوفها وفوق ال6 مرات نروحلهم المحل وننطر زباينهم يروحون علشان مانفضحهم بس والله متحسفة قد شعر راسي ليش ماتكلمنا جدامهم ونحشناهم المهم اليوم رحنا واصرينا ان يطلعولنا الغنفة الحين وقعدنا فوق الساعه عندهم اخير شي قالنا خلاص الغنفة بالمصنع وقلناله نروح المصنع ماوراااانا شي وتوهق البطل وقال مافيش ونش يجيبه واحنا دبرنالنا ونش وقال خلاص انا ادفع للونش وعطانا عنوان المصنع ومشينا ورا الونش ودانا منطقة عزااابيه وحاطين الغنفه برا المحل وشكله قاعدين ومادري شمسوين عليها ويوم يه الونش بيتنا قال صاحب المحل قال خل راعي البيت يعطيك فلوسك لابارك الله فيك ولا بمحلك يا حسين كاكولي ماشفنا منك ولا من عمالك خير حسبي الله عليكم من ناس اكلتوا فلوسنا بعد ما وثقنا فيكم وخذلتونا , حلفتوا بشهر رمضان انكم مسوينها و تقول شايفها بعينك مغلفينها خالصه يعل عينك ياكلها
الدوود قولوا امين

السبت، ٢٠ أغسطس ٢٠١١

من صجكم يا جامعة الكويت !!



انصدمت اول ما شفت الخبر ..

شالقرااار الغبي !! :/ هذول من صجهم يعني بيحلون مشكله اييون يخربون شي ثاني
يبون الفكه منا ولا يساعدونا عشان نتخرج كل مره طالعين بشي يديد يصعبون علينا
انا وحده مسجله 6 مواد عشان اتخرج الكورس الياي :/ الحين اذا مادتين  بس شبسوي
شكلي بقعد 4 سنين ثانيه
و بعدين احنا شكو بالمستجدين انا موادي الي باقيتلي كلها مستوى 400 مالها دخل بمواد المستجدين !!
شي ما ينسكت عنه :/

الأربعاء، ١٧ أغسطس ٢٠١١

ذكرياتكم







من الالعاب القديمه بالكمبيوتر الي كنا نلعبها انا وخواتي
هالـ لعبتين

مادري شطاري علي فجأة تذكرتهم و قعدت احوس بالنت بنزلهم و اشوه حصلتهم و لعبت فيهم شوي بعدين مليت :P

اللعبه الاولى عبارة عن صالون حق الباربي اول شي تختارون وين تبونها تروح ..

و بعدين تمكيجونها و تلعبون بشعرها و جذي

اللعبه الثانيه ان تصير جريمه بالكرنفال و انتوا تحوسون بالكرنفال تدورون الادلة عشان تصيدون القاتل
 اياااام
/please
انتوا شنو كانت العابكم المفضله ؟

الثلاثاء، ١٦ أغسطس ٢٠١١

الإحصاء و ما ادراك ما الاحصاء

وحده من المواد الي اخذتها هالصيفي كانت مادة "الاحصاء" و
هالمــاده كانت مسويتلي رعب من اول ما دشيت الجامعه الكل كان يقولي صعب و اب تسقطين ومادري شنو و انا الي صروعني زياده اني ما عمري اخذت شي اسمه احصاء /no
و اخر مره كنت ماخذه رياضيات اولـى ثانوي يعني تقريبا فوق 4 سنين
و مجبوره اخذها الحين لاني على وشك التخرج كنت حاطه امل ان يلغونها :p
و الحمدلله هاذي درجتي ..

 منو قال ما سويت عرس ابيتنا خخخ

الاثنين، ١٥ أغسطس ٢٠١١

رمـضـان كريم

مبارك عليكم ما تبقى من الشهر
شلون رمضان معاكم ؟
و شنو جدولكم .. شنو المسلسلات الي تحبونها

انا عن نفسي ما تابعت ولا شي لان اول 10 ايام من رمضان كنت لاهيه بالصيفي و لوية الامتحانات
:(

hello again and again and again ;p

Looks like