الأربعاء، ٢٩ سبتمبر ٢٠١٠

تحلطم

عدنا.. والعود أحمد ;p

هالاربع ايـاام الي مرت علي واااااايد تعب :/
صارلي اسبوع وشي ما اشتهي اكل شي واذا اكلت حدي روب او تفاح
بعد ما بلشت دوام بالجامعه انهلكت زياده
ماخذه 6 مواد هالكورس اطلع من البيت 9 ما ارد الا 4 ونص او 5
على طول انسدح مالي خلق شي وهم ما احط شي بحلجي
من ثلاث ايام حسيت ان على اقل حركة حتى لو امشي مسافة بسيطه قلبي يطق حيل وما اقدر اتنفس
(  فيني انيميا عشان نقص الحديد مشكلة ازليه فيني  )
لا تشوفوني لمن تكون محاضرتي الدور الثالث لوول بكل طابق اوقف اريح شوي واكمل

امس رحت مكتبة الطالب حدث ولا حرج ززززحمه وخنقه
شريت تقريبا 9 كتب , في دكتوره طالبه منا 5 كتب @@
  و باقيلي كتاب واحد حق الماده القثيثه ادب بريطاني ما حصلته قالولي خالص
:(((((((((((((((((((
مالي خلق ارجع مره ثانيه :/ لان امس بغيت اطيح شايله بيدي هالكتب و في كتب فوق الفين صفحة وافتر جد تعبت
ادعـولي اصير احسن :(

هاذي موادي
 

هناك ١٣ تعليقًا:

رورو الشخبوطه يقول...

الله يعينج ..

وموفقه يارب..

~أم حرّوبي~ يقول...

ربي يعافيج إن شالله وحاولي تاكلين شي مب زين عليج جيه ..
وموفقه إن شالله والله ييسر لج هالكورس وانا وياج :\

Unique Girl يقول...

ويه ويه ويه مو زين تروحين مكاتب بهالحزه كله زحمه وعفيييييييسه وكل شي مخلص

الله يعيييينج وان شاء الله تلقينه وكل تأخيره فيها خييره

مووووفقه ياااارب وادعيييييليييييييي انا 11 علمييييي :( منشقين شق

نـ(المطيري)ـازكـ يقول...

يا حياج الله ..

اممممم الله يعينج انتي كنتي رايحة مكتبة الفيحا ؟؟

ع فكرة في مكتبة بحولي تعطيج كتب بالسعر الفلاني بعض الكتب تكون مستعملة .. واذا خلص كورسج تردين الكتب لهم ويعطونج فلوسج ...

يالله قواج الله .. وربي يوفقج

Katkoota xD يقول...

الله يعينج

شدي حييلج

و موفقة انشالله

Amwaj يقول...

صج صج الله يعينج
جربت معاناة وعذاب ال6 مواد
ونفس حالتج أطلع من البيت من الساعة 8 وما أرد إلا الساعة 4
ومن التعب والإرهاق ما أقدر آكل وكل شي فيني يعورني :(

أما مكتبة الطالب, آنا أمس كنت فيها ولاعت جبدي وآنا واقفة طابور عند الكاشير

موفقة حبيبتي وحاولي تهتمين بصحتج واكلي زين لأن هالكورس بيكون ثقيل عليج من ضغط المواد

غير معرف يقول...

أمبيه حده ضغط أنا بعد ماخذه 6 :(
أدب أمريكي وبريطاني 2 و علم المعاني وعلم الأصوات والصوتيات و مقدمة في علم المصطلحات وترجمة سمع بصرية :(
بس بغيت أعرف عند منو ماخذه أدب مقارن؟ أنا كتب هالمادة عندي وخذيتها عند الهام.
موفقة إن شاءالله

koko يقول...

رورو : اجمعين يا رب

ام حروبي : حاولت بس مو قادره :(
الله يوفقج يا رررب

يونيك : اي ويع بس اضطريت اروح كلهم يبون الكتب ضروري

نــازك : لاا مكتبة الطالب الي بشويخ :( خووش معلووومه تسلميين

كتكوته : الله يوفقنا اجمعين ان شاءالله

امـواج : الله كرييم :( ويعينا على هالمكتبه لازم معاناة كل سنه جذي
الله يوفقج بدراستج ان شاءالله

حنأن : وااي الله يسهل عليج ويوفقج يا رب :(
ايي انا ماخذه ادب مقارن عند الهام
شكلها خوش وحده بس بسألج شنووو نظامها ؟

غير معرف يقول...

شوفي أنا كاتبة تعليقي بقيم مدرسك:

خذيت عندها أدب مقارن و المادة دسمة جدا فوق ما تصورون و ما تنبلع بس حرام من قال الدكتورة ما تشرح! تشرح بس مو كل شي.

تقسيم الدرجات:
15 كويز
25 مدتيرم
7 برزنتيشن
8 open book quiz بس مع طلبة يعني group quiz صراحة كان صعب و ما عرفنا نحل عدل بس آخرتها كلنا خذينا درجة كاملة فيه.

الكويز كانت كميته صعبه و دسمة و زفت فيه بس تمشي وايد يعني مو شرط تكتبون كل شي و ما قصرت الدكتورة يعني المفروض آخذ أقل من 12 بأول كويز بس رافعتني درجة يعني بونس.

المدتيرم كان أسهل نوعا ما من الكويز و هم تساعد بالتصحيح لكن الأسئلة و وايد دقيقة، يعني تعطيكم تختارون سؤالين من 5 أسئلة هذا للجزء الأول أما الجزء الثاني يكون نوعا ما أطول فتحلون واحد من 4 أو 3 أسئلة.
الدكتورة ما ترفع و لا تعطي بونس بس تساعد و الحضور و الغياب مو ضروري عندها و ما تعطي حرمان و لا تعطي F .

جدا محترمة بتعاملها مع الطلبة و لما كان عندنا كويز أغلبنا كان عندنا امتحان مادة ثانية فما درسنا و قلنا لها دكتورة أجلي و ما قصرت و الله أجلته.

الله يوفقها إن شاءالله

أحمد محمدي يقول...

الله يشافيج بحق محمد وال محمد .
ما عليه الحياة ما تختلف عن اسطورة سيزيف
تعب في تعب ومحد مرتاح

Made n Q8 يقول...

موفقه ان شاء الله

أميـــــره يقول...

موفقه يا رب


:)

Amwaj يقول...

السلام عليكم :)

مريت أسأل عنج وأشوف أخبارج
صارلج مدة مختفية
عسى المانع خير ؟؟