الجمعة، ١٣ أغسطس ٢٠١٠

bad mood

اول ما بطلت عيني على طول دشيت سايت الجامعه بشووف درجاتي
  والحمدلله تعبي ما راح عالفاضي

-----------------

مـاادري شفيني هالايااام مزاجي ونفسيتي كلش مو شي
حاسه شي فيني بينفجر
ماعندي احد افضفضله و ما احب اصلا افضفض لاحد
امس حسيت اني وصلت حدي و بجيت شوي بس هم ما ارتحت
مااادري شسوي تعبت وايد
فوق كل هذا بعد مريضه
:(

هناك ٢٧ تعليقًا:

نـ(المطيري)ـازكـ يقول...

مـا شـاء الله ..

ع البـركة ^_^

بعد قلبي الف لا باس عليج ..

حاولي تطلعين مكان تغيرين جو .. حاولي تغرين روتينج ..

اقري القران وراح تحسين براحـة ان شاء الله .. ^_^

Unique Girl يقول...

سلاااااااااماااات حياتي ان شاء الله ماتشوفين الى كل خير

واحنى برمضان اقريلج قرآن وتهدين

Unique Girl يقول...

اي لووول نسيت مبرووووووووووووووك على الa

~أم حرّوبي~ يقول...

ماشالله ..بالبركة ان شالله دووم A
ياااربي اخاف اكون عاديتج ..مشكله المزاج يوم يخترب ولله ..ريحي واقريلج قران وان شالله تصيرين احسن ..روحي احتقلي بالنتايج الحلوه ^^

هديــل يقول...

ما شاء الله لا اله الا الله

مبروووووك تستاهلين

طلعي ريحي نفسج وونسيها

يمكن عشانج توج مخلصة صيفي مع انج المفروض تكونين العكس :>

رورو الشخبوطه يقول...

ماشاءالله ان شاءالله دوم هالدرجات الحلوه..

وموفقه يارب..

اوه اوه طلعتي زميلتنا :)

وبالنسبه للضيفه الله يفكها ان شاءالله عليج بالقران والاذكار والاستغفار..

وطمنينا عليج..

وسلامات ماتشوفين شر ان شاءالله..

koko يقول...

فدك :
يبارك فييييج حبوبه ,, كان المفروض اطلع اليوم بس صارلي موقف قبل شوي ضيق خلقي بزياده وتكنسلت الطلعه :(

koko يقول...

يونييك : الله يسلمج حبيبتي تسلمييين ويباررك فييج p; هيهيهي

koko يقول...

ام حروبي :
اي والله مشكله :( القرآن امس قعدت اقراه ساعتين لعل و عسى تروح الضيقه بس ماكو فايده راحت شوي وردت مره ثانيه :(

koko يقول...

هديل : تستاهلين الطيب
شفتي شلون مفروض العكس بس مادري شصار فيني :( ان شاءالله باجر اطلع الحين حدي مالي نفس

koko يقول...

رورو :
ايي p; تسلمييين حبيبتي
قاعده اقرا قرآن بس الضيقه ترد مره ثانيه :/

Made n Q8 يقول...

مشالله الف مبروووك ومنها للأعلى

وسلامات ماتشوفين شر

Tazmania يقول...

واو مشالله شطوووره يا كوكو شنو هالزين والسنع كلااا مبروووك يا A student :)

Tazmania يقول...

yala 3ad meta 3azeemartna :p

koko يقول...

made n q8

ybareeek fech w yslmech
thanx 3l mror
;)

koko يقول...

tazmania :

ee afa 3laik a'6b6ek hehehe ;p
bacheeeer ;p

غير معرف يقول...

ماشاءالله
منها لأعلى إن شاءالله
توني أدري إن تخصصج إعلام يعني أنتِ معاي بالآداب؟ توقعتج علوم اجتماعية مادري ليش. الحمدلله أنا هم نفسج بس مادة ثالثة A- والمادة الرابعة B+ من اهمالي.
ترا استغفر الله من بدا رمضان و أنا حدي تعبانة و السبب علل لا تقال و لليحين ما بدا رمضان عندي :( الظاهر انت نفس الحالة

koko يقول...

hanan :

ايي انا بالآداب بس تخصصي الرئيسي انجليزي و مساند اعلام
يلاا مبرووووك درجااتج حلوووه

مادري شالسالفه هالنفسية شي غريب :/

Hope يقول...

صباح النور و البنور

ما شاء الله تبارك الرحمن شهالشطاره؟
برافو.. ان شاء الله دوم

و سلامات ما تشوفين شر
بالنسبه للضيقه تدرين شنو احسن حل
فرشي سيادتج صلي لج ركعتين ، اقريلج قرآن و ان شاء الله الله بيشرح صدرج

koko يقول...

هلا والله
منووووره حبيبتي
الشر ما ايييييج
جربت هالحل بس عسى ما ارتحت ردت النفسيه زفت مره ثانيه

Rubyeez يقول...

I feel you! I am going through the exact same thing !!

ألـوان التفاؤل ~ يقول...

ماشاءالله ،،
مبرووووك .. ان شاءالله دوم هالتميـز : )


اقري قرآن وصلي لج ركعتين
و رددي أدعية ازالة الهم ^_*
ابي أكتبه بس مابي أطول الكومنت ..
شوفي البوست اللي حطيته اللي عنوانه دنياي فرح ^^

وتـأكدي ان كل شي فيهـ خير لـج ، وماشي يستـآهل هالضيـقة كلها =)
ممكن تكتبين فدفتر كل اللي مضايقج ، بينج وبين الورق بس !
يمكن ترتاحيـن ^^

الله يشرح صدرج ويسعد قلبج ان شاءالله ..

دمـتِ بسعــآدهـ وفـرحهـ ~

غير معرف يقول...

اول شي ألف ألف مبروك درجاتج والله يبعد عنج الحسد وان شالله على طول درجاتج حلوة جذي..

ألف سلامة عليج وما تشوفين شر يارب، عاد المرض برمضان صج لا يطاقـ بس هم تاخذين عليه أجر لأنج صايمة..


خير شفيج متضايقة؟ إذا تقدرين تكتبين عن الي مضايقج ولو برؤس أقلام كتبي علشان بس تفضفضين ترتاحين..

koko يقول...

Rubyeez :

الله يعيييينج :(
تسلمييين عالرد منـوره

koko يقول...

الـوان التفاؤل :
حبيبتي تسلميــن
ردج وايد عجبني والحين بروح اشو البوست ,,
يعطيج الف عاافيه

koko يقول...

قلم ومساحة :
الله يباارك فيييك وتسلم وايد
الحين الحمدلله النفسيه خفت شوي

:)

خدمات البحث العلمي يقول...

كوكو

انا مثلك تجيني فترات يخرب مزاجي واتضايق وما يونسني شيء وجالسه ابحث في هالموضوع

من بعض الاشياء اللي عرفتها انها تسبب الضيقه ولقيتها موجوده عندي
طول الجلوس على النت

كثرة الجلسه في غرفه معينه ويفضل يكون جلوسك في مكان فيه هواء طلق خاصه بالليل الجو حلو مو شرط تطلعين تكفي حديقة البيت او حتى السطح والحوش

وكمان علاقتك بالله ترى هذا الشيء غذاء روحي والروح شيء مهم بس احيانا ننساه او نتناساه

كمان البكاء ترى مو عيب

وفيه شيء قلتيه ولقيته بعد انا في واقعي

اللي هو انك تتضايقين ان مافيه احد تفضفضين له وبنفس الوقت لو كان فيه احد ما راح تفضفضين

الحل لهذا الشيء والله مجرب وروعه

هو انك تفضفضين لربك وتدعين شيء روعه ويجيبلك نتائج نفسيه وماديه

الله يوفقك ويسعدك في حياتك يارب

مع محبتي