الأحد، ٢٥ يوليو ٢٠١٠

اكشنات كوكو ;D

انا و اعوذ بالله من كلمة انا انسانه واايد احب الوناسه والحركات الغريبه
وعلي تصرفات مو طبيعيه دايما يسموني ام الاكشنات لول احب هالسوالف
اليوم تذكرت موقفين بكتبه لكم ,,
اول موقف: كانت دقه باللي يوصل الاكل لـ مطعم برجر كنج
كان عندي قناع شكله يلوع الجبد ,, و احنا ناطرين الطلب يوصل انا قاعده و
اتأمل بالقناع ( خخخ ماكو شغل ) ولا يتلي فكره ان البس القناع و عبايه و افتح الباب حق الريال

اول ما طق الباب فتحتله جان الريال يصرخ ايييييييييه داااااااا و يرجع قري  زين ما طاح وبغى يقط الاكل و يمشي لو ما ضحكت انا و صكرت الباب

وهذي انا لابسه القناع و قاعده بالزاويه



ثاني موقف : سويته بوحده من البنات
سيارتي فيها ميزه ان اقدر اخليها تصفط بروحها بس احطها عالـ R
واهيا تمشي بروحها و تحرك السكان ومن هالحركات ,, و البنت الي معاي طبعا ما تدري عن هالشي
انا وخرت ايدي عن السكان واقولها لحقييي مادري شصاير السكان برووحه يتحرك والسياره مو راضيه توقف
اهيا بس تصررررخ و بغت تطلع من السياره بس اشوه قافله البيبان ;p



مجرمه ها ;D
في وايد مواقف مسويتها و باليهال خاصة لول بس ماني قادره اذكرها
من التتتتتتتعب
نشوووووفكم على خيـــر

PS : يمكن هالفتره اقطع عن المدونه

هناك ١١ تعليقًا:

هديــل يقول...

امبي الموقف الأول مو صج :)
الله يعينا اللي وصل الاكل زين ما وقف قلبه لووول

انا الموقف الثاني الله يعينها هالبنت آآلله لا يطيحني بلسانج لوول

نشوفج على خير =)

غير معرف يقول...

ترجعين بالسلامة ان شالله
خخخخخخ مسكين الي يوصل الطلبات لو بعد مخليته شوي جان قالج مابي فلوس الطلب اخذي الطلب حقج.. مت من الضحك على رفيجتج الي تبي تفج باب السيارة... بس ديري بالج ترا في ناس قلوبهم ضعيفة وممكن تموت والسبب الغشمرة بعدين تاكلينها انتي وتكونين السبب.. بس صج صج حدج قوية والله..

~أم حرّوبي~ يقول...

ههههههههههههههههههههه حلوه سالفه القنااااع نقعت ضحك ..
اما عالسكان غمضتني ربيعتج هههههه
اعطيج 10\10
لماذا تقطعين ؟؟

رورو الشخبوطه يقول...

وعليه خخخ صروعتيه حرام..

اما البنيه جان تعوذت من ابليس خخخ..

عادي سياره مسكونه :)

ومشكوره ..

شاي الضحى يقول...

هههههه

الموقف الاول عجيب حلاتهخ قاط الاكل ومخترب وانتوا الي بتاكلونها هههههههه

:)

غير معرف يقول...

امبيه! ههههههههه
حرام عليج والله لو ميتين جان انت بستين الف داهية ههههههه

koko يقول...

هديل :
لوول حسيته بيطقني لمن اكتشف الدقه
p;
-----
قلم ومساحة :
الله يسلمك :)
وهذا كان المطلوب ان يقط الاكل يروح لوووووووول
يمه خرعتني زين ما صار شي :( ترى انا حدي بريئه بس مرات شياطيني تطلع فجأة و ما ترحم احد p;
-----
ام حروبي :
عسى دووم هالضحكه :)
والله بقطع عشان هالايام عندنا مناسبه و وايد مشغوله و بعدها ابتدي امتحانات نهائيةادعيلي :(
-----
رورو :
لووول مال المطعم للحين كل ما اذكر ويهه شلون كان اموت ضحك ..
والبنت ما توقعت جذي تصرخ فضحتنا بالفريج لوول
-----
شاي الضحى :
لو قاط الاكل جان انا رحت فيها وطي من الي عندي بالبيت
-----
hopless sight :
اشوه الله ستر ما صار شي :(

TaZmaNiA يقول...

لووووووووووووووووووووول صـــــــــــــــج صــــــــــــج
ضحكتيني خذيتي فيني اجر :) نزغه :)

~أم حرّوبي~ يقول...

موفقه داايما يارب:)

Katkoota xD يقول...

امبييه مو صج

زين ما قط الاكل عليج و دمرج بالبيبسي

و اتوقع البنت ماتت من الخرعة مسكينه

ما اتوقع ترضى تركب معاج السيارة مرة ثانية

تحياتي

koko يقول...

tazmania : عسى دووووم هالضحكه :)
----
ام حروبي : اجمعين ان شاءالله
----
كتكوووته :
تخيلي يقطه على ,, لاااااا اشوه عدت على خير لوول والبنيه عياره ثاني يوم ركبت معاي p; الظاهر عجبتها السالفه