الأربعاء، ٢٨ يوليو ٢٠١٠

عقدتي من الدببه + دقه ثانيه

امس وانا احوس باليوتيوب شفت خوش خدعه
حق الايفون والايبود ,, عباره عن سايت تدشونه يخلي شاشه الايفون جنها مكسوره
فـ طرى على بالي اسوي هالدقه بأبوي ( ما خليت احد ) لوول
رحتله وقلتله ابي تيلفونك شوي مسكته ودشيت السايت وبعدين سويت روحي اني طيحته 
ووريته الشاشه مكسوووره
لا تشوفون ويهه شلون قلب و كان توه ماخذه و مستانس فيه كسر خاطري
 hehehehehe

اهني مجربته على ايبودي


--------------------





هالموقف كنت بقوله حق قلـم و مسـاحة بس بعدين قلت اخرعكم كلكم ;p



الله يسلمكم كنت اموووووت على شي اسمه دببه بس قبل سنتين صار وياي موقف   ما  راح انساه عقدني منهم

كنت قاعده بفراشي وشابكه وصوب ريولي دببتي لمن ييت بنام قمت حذفتهم كلهم بريولي عالارض

وكنت توني بنام 
 ولا ليت ابجورتي يطفي وانا حدي اخاف من الظلمه رحت فتحت ليتات داري
لي هني الوضع طبيعي ,,

بس لما رديت بنام و كنت لافه ويهي صوب الطوفه فجأة حسيت حركه وراي لفيت ويهي ولا الاقي

واحد من الدببه عند مخدتي !!

تعالوا دوروا كوكو ما تلاقونها ;p
مااااااااااادري شاللي يابه صوب مخدتي وانا متأكده اني حذفته معاهم

هناك ١١ تعليقًا:

هديــل يقول...

وينه السايت عطيني اياه بسرعة لول بخرع امي فيه خخخخخ

.
.

يماي شيابه صوبج هذا
بصراحة اشك انه مسكون :)

يعطيج العافية =)

نـ(المطيري)ـازكـ يقول...

عفية حطي السايت ..

بالعكس انا غرامي الدبب .. انواع واشكال واحجام ..

ممممم ماصارلي موقف من جذي .. بس عندي الدبب بعضها اطلع صوت يعني اذا نمت عليها فزيت من نومي هههههههه

قواج الله ^_^

Amwaj يقول...

مساء الخير كوكو :)

أول شي يعطيج العافية على هذا البلوق الحلو واللي يسعدني إني أكون من متابعينه وأضيفه بقائمة البلوقات اللي حبيتها في بلوقي

أما موضوع الدب فآناأتوقع واحد من الأثنين :
يا إما الدب مسكون أو دارج مسكونة :P
لوووول

تحياتي :)

غير معرف يقول...

مسكين أبوج أحسه تحطم لما شاف تلفونه جذي. عليج دقات عجيبة خخخ.. لووول عاد تصدقين مرات صج صج لما ألف ويهي أحس بشي يتحرك، أحسه الدبدوب لوووووول عادي ماعندي مشكلة، شفيج نسيتي! أنا لما كتبت البوست الدبدوب قلت إني مرات أقوله تكلم وتحرك عادي ما راح اخاف منك .. :)

شاي الضحى يقول...

مو شي هالسايت يا حبج للدقات

والدب مسوي فيج دقه هههههههههه

koko يقول...

هديل : لوول حطيييته ,, واناا بعد اقول جذي

koko يقول...

فــدك : عيل بعطيج دبي المسكوون لول تطلع صوت اهون من الي تتحرك

koko يقول...

يعافيييج حبوبه من ذووقج هذا :)
انا اقول اثنينهم مسكونين p;

koko يقول...

قلم و مساحة : لوول وايد تحطم
من صجك ما تخاف @@ عيل بييبلك دبدوبي

koko يقول...

شاي الضحى : لول شفتي شلون انقلب السحر على الساحر p;

~أم حرّوبي~ يقول...

هههههههههههاااي موقف لا تحسدين عليه الصراحة ...تدرين صارلي تقريبا نفس الشي ..بس شو في لعبة اللي عروسة محشوه بقطن محد كان يداني هاللعبة ...وكله يقولون شكلها مسكونة ..والا مره حاطنتنها على كرسي حذال سريري وكنت صاده صوبها الا وشوي تلف راسها وترده ...جان اجمد ومارقدت طول الليل ثاني يوم حذفتها خخخخخخخ